الجروح هي من أكتر الإصابات الشائعة اللي بتتعرض لها الأطفال بسبب حبهم للاستكشاف واللعب، سواء في البيت أو المدرسة أو النادي. عشان كده مهم جدًا إن كل أم وأب يعرفوا إزاي يتعاملوا مع الجروح بسرعة وبطريقة صحيحة عشان يمنعوا أي مضاعفات زي العدوى أو التلوث.
أنواع الجروح عند الأطفال:
- الجروح السطحية: زي الخدوش اللي بتحصل لما الجلد يحتك بسطح خشن.
- الجروح القطعية: زي الجروح اللي بتحصل من السكاكين أو الأدوات الحادة.
- الجروح الوخزية: زي اللي بتحصل من الإبر أو المسامير.
- الجروح التهتكية: بتحصل لما الجلد يتقطع بطريقة غير منتظمة، بتحصل بسبب خبطة مع فتح في الجلد. زي الحوادث أو العنف.
- الجروح المغلقة (الكدمات): اللي بتحصل بسبب خبطة من غير ما الجلد يتفتح.
الإسعافات الأولية للجروح عند الأطفال:
- غسل الجرح بالمياه والصابون: اغسلي الجرح بمياه جارية لمدة دقيقتين عشان تنظفيه من الأتربة.
- تعقيم الجرح بمطهر طبي: زي البيتادين أو ماء الأكسجين (لو الجرح صغير وسطحي).
- إيقاف النزيف: لو فيه نزيف، اضغطي على الجرح بقطعة قماش نظيفة لمدة 5-10 دقايق باستمرار (وليس بشكل متقطع) مهم جدا لوقف النزيف.
- تغطية الجرح بشاش معقم: لتقليل احتمالية الإصابة بالعدوى.
- رفع الجزء المصاب: لو الجرح في اليد أو الرجل، ارفعيها شوية فوق مستوى القلب لتقليل النزيف والتورم.
امتى لازم تروحي للطبيب؟
- لو الجرح كبير وعميق أو بيحتاج غرز.
- لو الجرح سببه عض حيوان أو إنسان.
- لو الجرح متلوث أو فيه جسم غريب زي زجاج أو مسمار.
- لو حصل تورم شديد أو إفرازات صديدية من الجرح.
- لو الطفل سخن بعد الإصابة.
- لو عدّى أكتر من 5 سنين على آخر تطعيم ضد التيتانوس.
طرق الوقاية من الجروح عند الأطفال:
- تغطية زوايا الأثاث الحادة.
- تعليم الأطفال استخدام الأدوات الحادة تحت إشراف الكبار.
- التأكد من سلامة الألعاب وعدم وجود أجزاء حادة فيها.
- لبس واقي الركب والأكواع أثناء اللعب أو ركوب العجل.
- حفظ الأدوات الحادة في أماكن بعيدة عن متناول الأطفال.
أخطاء شائعة في التعامل مع الجروح:
- استخدام الكحول مباشرة على الجرح المفتوح (بيسبب ألم شديد ويؤخر التئام الجرح).
- نفخ على الجرح (بيزود فرص العدوى بسبب البكتيريا اللي في الفم).
- استخدام القطنة على الجرح المفتوح (شعيرات القطنة ممكن تدخل في الجرح وتسبب تلوث).
- تغطية الجرح بإحكام شديد يمنع التهوية.
نصائح لتسريع التئام الجروح عند الأطفال:
- التأكد من تغذية الطفل كويس بالأكلات اللي فيها بروتين وفيتامين C والزنك.
- التغيير على الجرح بانتظام، حسب إرشادات الطبيب.
- تجنب تعرض الجرح للشمس المباشرة عشان ما يسيبش علامة غامقة (ندبة).
- منع الطفل من اللعب بعنف أو حك الجرح بإيده.
متى يلتئم الجرح؟
- الجروح السطحية بتلتئم في خلال 3 لـ 7 أيام.
- الجروح العميقة أو اللي فيها غرز ممكن تاخد من أسبوعين لشهر حسب عمقها وطريقة العناية بيها.
- العلامة (الندبة) ممكن تاخد شهور لحد ما تفتح أو تختفي تدريجيًا.
المصادر:
- American Academy of Pediatrics (AAP)
- Centers for Disease Control and Prevention (CDC)
- World Health Organization (WHO)
- Mayo Clinic
الكلمات البحثية:
الجروح عند الأطفال، إسعافات أولية للأطفال، علاج الجروح السطحية، الوقاية من الجروح، الجروح العميقة عند الأطفال، كيفية تنظيف الجرح، علامات العدوى في الجروح، متى يحتاج الجرح لغرز.