👶 تضيق البواب العضلي الخلقي عند الرُضع
(Congenital Hypertrophic Pyloric Stenosis)
🟢 إيه هو تضيق البواب الخلقي؟
تضيق البواب العضلي الخلقي هو حالة بتظهر في أول كام أسبوع من حياة الطفل، وبيكون فيها العضلة اللي بتفصل المعدة عن بداية الأمعاء (اسمها عضلة البواب أو Pyloric muscle) سميكة بشكل غير طبيعي. السُمك ده بيخلي المعدة مش قادرة تفضي محتواها بسهولة في الأمعاء، وده بيعمل قيئ (ترجيع) متكرى بعد كل رضعة.
⏰ بيظهر امتى؟
أغلب الحالات بتبدأ من عمر أسبوعين لحد ٨ أسابيع، لكن الأشهر بيكون حوالي ٣ لـ ٥ أسابيع.
👶 أكتر في الولاد، خصوصًا أول طفل للأم.
👨👩👦 لو فيه تاريخ في العيلة، احتمالية ظهوره بتزيد.
❗أهم الأعراض اللي بتظهر على الطفل:
- ترجيع شديد بعد كل رضعة (بيكون ترجيع قذفي Projectile Vomiting)
- الترجيع بيبقى لونه مش أخضر (غالبا اصفر بلون عصارة المعدة، لو أخضر معناه انسداد معوي يعني في الامعاء الدقيقة وليس اخر المعدة)
- الطفل بيجوع تاني بسرعة بعد ما يرجع ويرضع بسرعة ويرجع تاني بسرعة وهكذا.
- نقص في الوزن أو ثباته رغم إن الطفل بيرضع
- ممكن تبان حركة المعدة كأنها بتدفع الأكل (موجات من الحركة في البطن)
- في بعض الحالات: كتلة صغيرة زي زيتونة بتتحس في أعلى يمين البطن (ده البواب المتضخم)
🧪 التشخيص بيتم إزاي؟
- الكشف الإكلينيكي من دكتور الأطفال.
- سونار (موجات صوتية على البطن) – وده أدق فحص بيبين سمك عضلة البواب وطولها.
- السمك الطبيعي أقل من 3 ملم، والطول أقل من 15-17 ملم.
- تحليل غازات الدم: ممكن يبان فيه قلوية الدم (Metabolic alkalosis) بسبب الترجيع.
💉 العلاج؟
العلاج الوحيد الفعّال هو عملية جراحية بسيطة اسمها Pyloromyotomy (جراحة رامشتيد – Ramstedt)، ودي بتتعامل تحت تخدير كلي، وبيتم عمل شق في العضلة المتضخمة عشان توسع بدون الوصول إلى داخل المعدة.
✅ بعد الجراحة، الطفل بيبتدي يرضع تاني بشكل تدريجي، ومعظم الأطفال بيتحسنوا تمامًا من غير أي مشاكل مستقبلية.
❓هل في مضاعفات؟
لو اتأخر التشخيص أو العلاج:
- الطفل ممكن يتعرض لـ جفاف شديد
- نقص في الأملاح
- تأخر في النمو
لكن لما بيتلحق بدري، نسبة الشفاء بتوصل لأكتر من 99% بدون أي آثار جانبية.
🔍 كلمات البحث:
- ترجيع قذفي عند الرضع
- تضيق البواب الخلقي
- ابني بيرجع كل الرضعة
- القيء المستمر عند الرضع
- pyloric stenosis عند حديثي الولادة
- أعراض تضيق البواب
- علاج ترجيع الرضع المستمر
- متى يبدأ تضيق البواب
- كيف أفرق بين الترجيع الطبيعي والمرضي
📚 المصادر الطبية:
- Nelson Textbook of Pediatrics, 21st Edition
- American Academy of Pediatrics – www.aap.org
- National Library of Medicine (NIH) – www.ncbi.nlm.nih.gov
- Radiopaedia – https://radiopaedia.org/articles/hypertrophic-pyloric-stenosis